तीसोगु न रयाँ

ईं धरती मा आइकी तीसोगु न रयाँ!
नौबत नि आँयीं चैन्दि तुम कना छयाँ,
चली अपरि खुट्टीयोंन् बाटू नापदी रयाँ,
ईं धरती मा आइकी तीसोगु न रयाँ!!

हिल्गैकी चल्याँ ठोकरु तैं ध्यान रख्याँ रे,
मिठास मा न डूब्याँ, न ई आम पक्याँ रे
तुमरा कंधोंमा नाचणा,अपरा यूँका थक्याँ छन रे,
यूँकी बाथुमा किलै लग्याँ पूछा यूँ तैं ई कखा छन रे।
तुम भी उथी जाणदा आखर जथा यूँ तै पता छन रे,
चल नि सक्दा बड़ी नि सक्दा इत इनी डाळी इनी लता छन रे।

ईं धरती मा आइकी तीसोगु न रयाँ!
नौबत नि आँयीं चैन्दि तुम कना छयाँ,
चली अपरि खुट्टीयोंन् बाटू नापदी रयाँ,
ईं धरती मा आइकी तीसोगु न रयाँ!! @ - राजेन्द्र सिंह कुँवर 'फरियादी'

•